NOT NOW AND NOT HERE [e-poster]

Not Now and Not Here | Exhibition | Miroslav Stojanovic - Shuki

Opening April 6, 2012, Gallery 7, Skopje Old Town, 20h.

НЕ СЕГА И НЕ ОВДЕ

Изложба на Мирослав Стојановиќ - Шуки 
Петок | 6 април 2012 | Галерија 7 (Стара Скопска Чаршија) | 20 ч. 

Секогаш нов и непредвидлив, Мирослав Стојановиќ – Шуки ќе ни се претстави со изложбата „Не сега и не овде“ во Галерија 7 (Стара Скопска Чаршија), на 6 април (петок) со почеток во 20 часот. 
Изложбата „Не сега и не овде“ на Мирослав Стојановиќ – Шуки ја сочинуваат 11 ликовни дела во комбинирани техники со мотиви инспирирани од внатрешниот свет на овој ликовен уметник. Тоа е свет кој татни од судири на мислата со емоцијата, студената опсервација на светот и чувството на апсурдот и хаосот.  
Новата серија ликовни дела на Шуки е како продорен поглед на гавранот кој е во бришечки лет високо над површината на земјата, мутиран гавран кој намерно ја губи контролата над својот лет и како клин во небото, час ја скенира планетата Земја, час прави стрмоглав лупинг правејќи фотографија од небото од која се одзема здивот. 
Галерија 7 е простор во кој изложуваат ликовни уметници во последниве 30 години. Тоа беше и остана едно од омилените собиралишта на уметниците кои упорно и доследно го чуваат духот на Старата Скопска Чаршија како културен центар на градот.

ДО ГЛУЖДОВИ ВО ОБЛАЦИ

Кон ликот и делото на Мирослав Стојановиќ – Шуки 

Мирослав Стојановиќ - Шуки

Имав еден период од три месеци кога секое утро со Шуки пиев по најмалку едно еспресо во кафеаната Боеми. Секогаш седевме на истата маса, под радиото и стариот календар, тој со старомодната завеса зад него, јас со поглед кон него и малку кон тесната уличка во која одвај можат да се разминат точак и кола. Зад грб ми беше фрижидер-витрината која произведуваше чудни звуци од време на време. 
Таму, придружени од тивките звуци на некоја тотално маргинална радио-станица, под будното утринско око на келнерката од старата добра угостителска школа, со слаб мирис кој допираше од кујната во ноздрвите, јас и Шуки секое утро започнувавме нова филозофско-естетска работилница, зачинувајќи ја повремено со политичко-порнографски елементи и тотално психоделични секвенци. 
Статистички, како и содржински, овој период беше пребогат. Се сретнавме веројатно шеесет пати, испивме најмалку 200 кафиња и испушивме над 2.000 цигари на тие утрински средби. Задоцнивме на работа веројатно девет од десет пати што се сретнавме. На секоја средба имавме најмалку една нова тема. Ниеднаш не пропуштивме да ги исплукаме квази-интелектуалните мастурбатори, покондурената сељачаана и барокната фасада на шупата од држава во која живееме. Но, тоа беа странични темички, како мали боксерски вреќи во гардероба на гладијатори. На стариот кариран чаршаф во Боеми се тркалаа како грамадниот камен на Сизиф, тешки филозофски прашања, поезија, сликарство, мултимедијала, вонсериски визии. Секое седнување со Шуки е нова ментална желба, а тоа што ние го правевме секое утро во тој период, беше сериозен brain-building тренинг.
Како повторно да го запознав Шуки тогаш. Ги видов лавиринтите на и во неговото битие во ротирачка 3D верзија. Забележав дека Шуки е еден од тие ретки луѓе за кои никогаш не си сигурен дали се тука. Тој, не сакајќи, ги менува оските и правците на гравитација. Некогаш стои на земја (ретко). Најчесто, неговите чизми се до глуждови во густата смеса на темните олујни облаци, а над главата му е некоја непозната планета која гравитира кон празното небо, истура камења, реки, океани и градови врз неговата глава. Skywalker, ама изгубен.  
По тој период од над 200 кафиња и 60 теми, ништо што излегува од под четката на Шуки не ме изненадува. Но, отсуството на изненадување го отстапува местото на интензивно, деликатно и комплексно доживување помножено со милион од неговите креации. Знам што стои зад нив. И жал ми е што нема барем оддалеку приближно толку дела колку што има комори во таа негова луда глава. А во секоја комора има барем по една врата која води кон лавиринт од кој ретко кога има излез...
И како личност и како уметник, Мирослав Стојановиќ – Шуки не можете да го сместите во просторот во кој го гледате или мислите дека го гледате, ниту во времето во кое се наоѓате или мислите дека се наоѓате, односно имате впечаток дека и тој е во истото време со вас. 
Шуки можете да го сместите во 19. век, во мрачниот Среден Век или во последниот страотен час на тишината во Помпеја. Можете да го сместите во колонија на Марс во иднината. Не сега и овде.
Но, ако случајно ви падне в раце некој волшебен сензор за следење на духовите на времето, луѓето изумрени и неродени, природата создадена и несоздадена, човечките творби разурнати и тие што допрва ќе се создадат – ќе добиете исти сигнали и струења од сите страни. Сите ќе истипкаат иста порака на трансенденталниот телеграфски апарат: „Не сега и не овде! Овој човек, ова битие не е сега и не е овде!“
Шуки е во постојана ментална и спиритуална мена. Како Месечината во насолзените очи на вљубеникот во небото, тој е во состојба на постојано менување, но за разлика од Неа, тој не е составен од студени карпи и прашина, туку од експлозиви, живи бои, коски, месо и мисли. Шуки постојано раскажува некоја нова приказна, за некој потполно нов Космос, поинаков од оној што може да го замисли или доживее било кој сега и овде, некогаш и некаде. Да, тој не е сега и не е овде, но истовремено тој е секогаш и секаде, никогаш и никаде. 
Гледајќи ги делата на Шуки го доживувам како митска и sci-fi птица истовремено. Тој и неговите дела се како приказна за митско-научнофантастичен стрип јунак, хибрид меѓу човек, ѕвер и машина – експеримент во кој не сте сигурни, ве плаши, ви предизвикува вртоглавица и ве привлекува. Тоа е приказна за светот во кој живеете и умирате, но истовремено не е тој истиот свет. 
Затоа, тој не е овде и не е сега, кога и да е, каде и да е. 


Џабир Дерала
Другар му на Шуки 

Нови предизвици

Конечно, концерт на 
MOOGER FOOGER


петок | 9 март 2012 | МКЦ | 21.00 ч.

Во пресрет на концертот на Mooger Fooger: богатство од инструменти и музички линии, поезија, визуелни ефекти и пораки, голем број учесници, нови изрази и многу возбуда

По промоцијата на албумот „4 Јули“ на Mooger Fooger кон крајот на септември минатата година, бендот се појави во неколку наврати, но со неформални настапи за ограничен број публика. Љубопитноста на публиката за тоа како изгледа овој комплексен музички проект на Mooger Fooger во живо на сцена конечно ќе може да се задоволи. Mooger Fooger настапуваат во живо на 9 март во концертната сала на МКЦ (21ч.).

Фронтменот на Mooger Fooger, Сеад Хаџиќ - Сецко изјави дека најголем дел од креативниот тим на албумот ќе бидат дел од концертниот настап на бендот, што самото по себе е предизвик, со оглед на тоа колкава екипа учествуваше во креирањето на албумот. Во подготовките на овој концерт, таа екипа е уште поголема, а со тоа и содржините кои ќе ѝ бидат понудени на скопската публика. Тие ќе се погрижат за секој детаљ од настапот, почнувајќи од светлото, завршувајќи со изгледот, мејкапот и костимите на тие што настапуваат. Креативците задолжени за визуелниот настап собрани околу овој проект изработија многу интересен концепт и визуелен материјал кој ја поткрепува приказната за овој бенд и неговата долгогодишна музичка авантура.

Самиот бенд засилено се подготвува за настапот со музички проби на кои експериментирањето со звукот не престанува. На некои од пробите, бендот изгледа како да сака да создаде сосема ново дело, користејќи го материјалот на албумот само како појдовна основа, но надградувајќи го материјалот со нови, досега неслушнати содржини.

Публиката од овој концерт може да очекува богатство од инструменти и музички линии, поезија, визуелни ефекти и пораки, голем број учесници, нови изрази и многу возбуда.

Shortcut Production News

APOCALYPSE by Xh. Deralla: WHERE CAN YOU FIND IT?

The book "Apocalypse" by Xhabir M. Deralla can be found only at:

Blesok online bookstore


ILI-ILI Bookstore at the Sloboda Square in Skopje


La Kaña Bar Skopje Old Town

LIMITED STOCK. Money earned from sales will be used to publish the next book of the Author. 

ISBN: 608-65288-0-2 

More from/about the Author: 

NOTES OF THE URBAN WOLF

MONKEYDONKEYA TODAY

The Apocalypse contains 45 poems (40 new ones) and 19 photographs and images.


Lyrics of Xhabir Deralla are the main part of most of the albums of the Last Expedition band and the latest release of the Mooger Fooger band. Deralla is the author of most of the lyrics of the project Exic (joint music project of three MK music bands). 

SAY YES TO LIFE PROJECT IS FINALIZED

Say Yes To Life is an educational TV series on arms control issues in the Republic of Macedonia and the world. The author and producer of the project is Xhabir M. Deralla. The series consists of 30 episodes. These days, the production crew is taking final shots and making final corrections to the material.

The crew:

author, host, director
Xhabir M. Deralla

director of photography, co-director
Atanas Petrovski

editor
Vladimir Krstevski

music
Sead Hadzic (Mooger Fooger)

project team
Stefan Urdjanovski
Alexandra Maya Milosevic
Biljana Zdraveska
Dario Milosevic
... and many others

The TV series Say Yest To Life is a non-profit project and will be available to broadcasters free of charge. The project is financed by the Broadcasting Council of the Republic Macedonia.

Here are some snapshots from the sets. The weapons displayed here aren't real. They will be destroyed at the end of the project.