Facebook страна за борба против оружјето

Денеска регистрирав Фејсбук страна Кажи НЕ за оружјето, според истоимената ТВ серија во моја продукција.

На оваа страна ги поканувам моите пријател(к)и и сите граѓан(к)и да дадат свој придонес кон надминувањето на култот кон оружјето во нашето општество.

Оваа ФБ страна ќе биде простор за сугестии, коментари, фотки, цртежи, слогани и линкови на тема борба против оружјето и оруженото насилство, како и надминувањето на култот кон оружјето. 

Сигурен сум дека оваа ФБ заедница ќе стане видлива и ќе даде придонес кон нашата заедничка цел - мирни и безбедни домови и улици.
Џабир Дерала

The Wannabe

Сива сенка во магливиот самрак

капларот во каллив стар шинел

опушок од цигара меѓу жолтите заби

трепери на студениот перон

во село далеку од главната пруга

фрустриран поданик

патетичен и столчен

сепак...             

креатура крвожедна

со нокти скршени и болни

но доволно остри да нанесат болка

ако само се добере до вагонот на моќта за миг

краток миг на слава          

да седиш близу местото каде големите пци мочаат

фото: Џабир Дерала