PROJEKTI “THUAJI JO ARMËS” ËSHTË I KRYER, KËSHILLI I RADIODIFUZIONIT I KA BORXH PRODUKSIONIT

Kryetari i Këshillit të Radiodifuzionit të Republikës së Maqedonisë Zoran Trajçevski ka deklaruar se “Shortkat ka borxh prej rreth 26 mijë euro, ndërsa paratë i ka marrë për projektin ‘Thuaji jo armës’” – shkruan gazeta “Dnevnik” të premten, më 2 nëntor. Në tekstin me titull “As projekte televizive, as paratë s’janë kthyer” (f. 5) jepen të dhënat e marra nga kryetari i KRD Trajçevski, nga të cilat rezulton se produksioni Shortkat ka marrë para, ndërsa nuk e ka realizuar projektin.
Këto informata janë të pasakta! Kryetari i KRD-së këtë mund ta konfirmojë lehtë me një kontroll të thjeshtë të dokumentacionit në Këshill dhe të shohë se projekti “Thuaji jo armës” (Thuaj PO për jetën) është i kryer dhe se të gjitha vërejtjet dhe korrigjimet e kërkuara nga KRD janë bërë.
Projekti përbëhet nga 30 epizode në të cilat flitet për tema nga fusha e kontrollit të armëve dhe paraqet kontribut të rëndësishëm në përpjekjet për mposhtjen e kultit të armëve në vendin tonë. Projekti është i gatshëm për emetim tashmë një kohë të gjatë. Është mëkat që një projekt i tillë të qëndrojë i mbyllur në dokumentacionin e KRDsë në një kohë kur vendi vuan nga kulti tepër i zhvilluar ndaj armëve dhe dhuna me armë përditë i mbush kronikat e zeza.
Produkcioni Shortkat ka ngritur padi kundër Këshillit të Radiodifuzionit për vonimin e pagesës së borxhit të mbetur për realizimin e projektit.

Xhabir Deralla
Producent

Dnevnik, 2 nëntor, 2012, f. 5