ПРОЕКТОТ „КАЖИ НЕ НА ОРУЖЈЕТО“ Е ЗАВРШЕН, СОВЕТОТ ЗА РАДИОДИФУЗИЈА ДОЛЖИ ПАРИ НА ПРОДУКЦИЈАТА

Претседателот на Советот за радиодифузија на Република Македонија, Зоран Трајчевски изјавил дека: „Шорткат должи околу 26 илјади евра, а парите ги добила за проектот „Кажи не на оружјето““ – според објавеното во весникот Дневник (петок, 2 ноем. 2012). Во текстот под наслов „Ниту телевизиски проекти, ниту вратени пари“ (стр. 5) се наведуваат податоци добиени од претседателот на СРД, Трајчевски, од кои произлегува дека Шорткат продукцијата земала пари, а не испорачала проект.
Оваа информација не е точна! Претседателот на СРД тоа може лесно да го утврди со едноставна проверка на документацијата во Советот и да утврди дека проектот „Кажи не на оружјето“ (Кажи ДА за животот) е завршен и дека сите забелешки и корекции побарани од СРД се спроведени.
Проектот се состои од 30 епизоди во кои се зборува за теми од областа на контролата на оружјето и претставува значаен придонес кон напорите за надминување на култот кон оружјето во нашата земја. Проектот е подготвен за емитување подолго време. Тажно е ваков проект да стои затворен во документацијата на СРД во време кога земјата страда од високо развиен култ кон оружјето и оруженото насилство секојдневно ги полни црните хроники.
Продукцијата го тужи Советот за радиодифузија за доплата на остатокот од договорениот износ за проектот.

Џабир Дерала

Продуцент

Дневник, 2 ноември 2012 г., стр. 5